• Cartref
• »
• Llywodraethu
• »
• Bwyllgor y Gronfa Bensiwn

Prif nod Pwyllgor y Gronfa Bensiynau yw cyflawni swyddogaethau Cyngor Sir y Fflint fel Rheolwr Cynllun ac Awdurdod Gweinyddu Cronfa Bensiynau Clwyd yn unol â deddfwriaeth Cynllun Pensiwn Llywodraeth Leol.

Nid yw aelodau Panel Cronfa Bensiynau Clwyd yn ymddiriedolwyr y Gronfa, ond mae ganddynt ddyletswydd gofal sy'n cyfateb i gyfrifoldebau ymddiriedolwyr yn y sector preifat a gellir eu disgrifio'n fwy cywir fel 'Lles Ymddiriedolwyr'. Mae rheolaeth Cronfa Bensiynau Clwyd yn anwleidyddol.

Dangosir rolau penodol y Pwyllgor fel y’u hamlinellir yng Nghyfansoddiad y Cyngor yn Atodiad B o Ddatganiad Polisi Llywodraethu’r Gronfa. Gall y Pwyllgor hefyd ddirprwyo ystod gyfyngedig o’i swyddogaethau i un neu fwy o swyddogion yng Nghyngor Sir y Fflint.

Ni chaiff unrhyw faterion yn ymwneud â chyfrifoldebau Cyngor Sir y Fflint fel cyflogwr sy'n cymryd rhan yng Nghronfa Bensiwn Clwyd eu dirprwyo i Bwyllgor y Gronfa Bensiynau.

Mae Pwyllgor y Gronfa Bensiynau yn cyfarfod o leiaf bob chwarter ac mae’n cynnwys naw aelod fel a ganlyn:

• Pump o Gynghorwyr Cyngor Sir y Fflint fel y'u pennir gan y Cyngor, a
• Phedwar aelod cyfetholedig sy'n cynnwys:
  • Un Cynghorydd o Gyngor Bwrdeistref Sirol Wrecsam, a bennir gan y Cyngor.
  • Un Cynghorydd o Gyngor Sir Ddinbych, a bennir gan y Cyngor.
  • Un cynrychiolydd cyflogwyr eraill y Cynllun (nid cyrff derbyn) Cronfa Bensiynau Clwyd fel y diffinnir gan Atodlen 2 Cynllun Pensiwn Llywodraeth Leol 2013, fel y'i diwygir o bryd i'w gilydd, a benodir yn unol â gweithdrefnau y cytunwyd arnynt gan y Prif Weithredwr mewn ymgynghoriad ag aelodau o Banel Ymgynghorol y Gronfa Bensiynau.
  • Un Cynrychiolydd aelodau cynllun Cronfa Bensiynau Clwyd, a benodir yn unol â gweithdrefnau y cytunwyd arnynt gan y Prif Weithredwr mewn ymgynghoriad ag aelodau Panel Ymgynghorol y Gronfa Bensiynau.

Mae gan bob aelod hawl cyfartal i bleidleisio.