Cyfrifo eich pensiwn gohiriedig

Ar hyn o bryd mae’r Cynllun Pensiwn Llywodraeth Leol yn gynllun pensiwn ‘Enillion Cyfartalog Gyrfa wedi’u Hailbrisio’, neu ECGA wedi’i dalfyrru. Yn y cynllun ECGA, byddwch yn cronni pensiwn blynyddol ar gyfer ymddeol.

Pan fyddwch yn ymddeol cewch ddewis i newid rhywfaint o’r pensiwn hwn yn gyfandaliad untro. Am bob £1 o bensiwn blynyddol rydych chi’n ei ildio, fe gewch chi gyfandaliad o £12.

Mae Cyllid a Thollau EF yn rhoi terfyn ar faint o gyfandaliad di-dreth y gallwch ei gymryd pan fydd eich pensiwn yn cael ei dalu i chi. Gelwir y terfyn hwn yn lwfans cyfandaliad. Ar hyn o bryd, y cyfandaliad mwyaf yw’r isaf o’r canlynol:

• 25% o werth cyfalaf eich buddion
• £268,275*
• £268,275* yn llai na chyfanswm y cyfandaliadau rydych chi wedi’u cymryd eisoes

*Os oes gennych chi warchodaeth Lwfans Oes ddilys, o bosibl y gallech gymryd cyfandaliad sy’n fwy na £268,275.

Bydd yn gyfandaliad di-dreth fel arfer, ond os ewch chi dros derfyn y lwfans cyfandaliad, bydd rhaid i chi dalu treth ar y swm uwchlaw’r terfyn ar eich cyfradd ymylol.

Bydd eich cyflogwr yn rhoi gwybod i ni beth yw’r cyflog blynyddol rydych chi wedi talu cyfraniadau pensiwn ar ei gyfer o un mis Ebrill i’r nesaf.

• Os ydych wedi talu cyfraniadau cyfradd lawn yn y brif adran, bydd y pensiwn a gronnwyd gennych bob blwyddyn yn 1/49 o’ch cyflog pensiynadwy blynyddol.
• Os ydych wedi talu cyfraniadau ar hanner cyfradd yn yr adran 50:50, bydd y pensiwn a gronnwyd gennych bob blwyddyn yn 1/98 o’ch cyflog pensiynadwy blynyddol.

Yna, bydd eich pensiwn yn cynyddu bob blwyddyn er mwyn helpu i gyd-fynd â chostau byw. Rydym yn seilio’r cynnydd ar fesur chwyddiant, sef Mynegai Prisiau Defnyddwyr (MPD).

Enghraifft o brif adran Cynllun Pensiwn Llywodraeth Leol

Mae’r camau uchod yn cael eu hailadrodd bob blwyddyn nes y byddwch yn gadael eich cyflogaeth neu’n dewis peidio â thalu cyfraniadau pensiwn.

Sylwch: Os ydych yn gymwys ar gyfer Rhwymedi McCloud, bydd y pensiwn rydych wedi’i gronni rhwng 1 Ebrill 2014 a 31 Mawrth 2022 wedi’i seilio ar y gorau o gynllun pensiwn ECGA neu bensiwn cyflog terfynol sy’n 1/60 fel yr eglurir isod.

Cyn y cynllun ECGA ym mis Ebrill 2014 roedd Cynllun Pensiwn Llywodraeth Leol yn gynllun pensiwn cyflog terfynol. Mae hyn yn golygu y byddwch yn derbyn ffracsiwn o’ch cyflog pensiynadwy terfynol fel eich pensiwn blynyddol am bob diwrnod y buoch chi’n aelod cyn 31 Mawrth 2014, a chyfandaliad di-dreth awtomatig am bob diwrnod y buoch chi’n aelod cyn 31 Mawrth 2008.

Pan fyddwch chi’n ymddeol, cewch ddewis i newid rhywfaint o’r pensiwn hwn yn gyfandaliad untro ychwanegol. Am bob £1 o bensiwn blynyddol rydych chi’n ei ildio, fe gewch chi gyfandaliad o £12.

Mae Cyllid a Thollau EF yn rhoi terfyn ar faint o gyfandaliad di-dreth y gallwch ei gymryd pan fydd eich pensiwn yn cael ei dalu i chi. Gelwir y terfyn hwn yn lwfans cyfandaliad. Ar hyn o bryd, y cyfandaliad mwyaf yw’r isaf o’r canlynol:

• 25% o werth cyfalaf eich buddion
• £268,275*
• £268,275* yn llai na chyfanswm y cyfandaliadau rydych chi wedi’u cymryd eisoes

*Os oes gennych chi warchodaeth Lwfans Oes ddilys, o bosibl y gallech gymryd cyfandaliad sy’n fwy na £268,275.

Bydd yn gyfandaliad di-dreth fel arfer, ond os ewch chi dros derfyn y lwfans cyfandaliad, bydd rhaid i chi dalu treth ar y swm uwchlaw’r terfyn ar eich cyfradd ymylol.

Os oeddech yn rhan o’r Cynllun Pensiwn Llywodraeth Leol cyn 1 Ebrill 2008, golyga hyn y byddwch yn cael cyfandaliad di-dreth yn awtomatig pan fyddwch yn ymddeol hefyd.

Pan fyddwch yn stopio talu cyfraniadau pensiwn, bydd eich cyflogwr yn rhoi gwybod i ni:

• yr oriau yr ydych wedi’u gweithio;
• unrhyw absenoldebau a fu gennych; a’r
• ffigur cyflog pensiynadwy terfynol i’w ddefnyddio

i gyfrifo’r rhan hon o’ch pensiwn. Os ydych wedi gweithio’n rhan amser neu yn ystod y tymor, eich cyflog pensiynadwy terfynol oedd yr hyn sy’n gyfystyr â blwyddyn llawn amser. Bydd eich cyflogwr wedi rhoi cyfarwyddyd i ni ddefnyddio un o’r canlynol:

• 365 diwrnod hyd at eich dyddiad gadael; yn yr enghraifft hon, 31 Awst 2023:
  • 1 Medi 2022 tan 31 Awst 2023
• Y gorau o’r 3 blynedd diwethaf, pan fydd y flwyddyn yn 365 diwrnod hyd at eich dyddiad gadael. Felly, ar gyfer yr enghraifft hon, y 365 diwrnod gorau o:
  • 1 Medi 2022 tan 31 Awst 2023
  • 1 Medi 2021 tan 31 Awst 2022
  • 1 Medi 2020 tan 31 Awst 2021
• Mewn rhai sefyllfaoedd, bydd eich cyflogwr wedi cyfrifo eich tâl terfynol fel cyfartaledd o unrhyw 3 blynedd olynol sydd yn dod i ben ar 31 Mawrth. Fel arfer dim ond os yw eich tâl wedi lleihau y cewch yr opsiwn hwn:
  • ar ôl i chi newid i swydd gyda llai o gyfrifoldeb (ar wahân i ymddeoliad hyblyg neu ddiwedd secondiad)
  • yn dilyn ymarfer gwerthuso swydd neu ymarfer tâl cyfartal.
  • oherwydd bod y tâl pensiynadwy a nodwyd yn eich contract wedi newid
  • oherwydd bod llai na deng mlynedd cyn i chi stopio talu cyfraniadau pensiwn

Byddwn wedi cyfrifo eich pensiwn cynllun cyflog terfynol mewn un neu ddwy o’r ffyrdd canlynol, yn ddibynnol ar bryd wnaethoch chi ddechrau a rhoi’r gorau i dalu cyfraniadau i’r Cynllun Pensiwn Llywodraeth Leol:

Enghraifft