Buddion marwolaeth

Os byddwch chi’n marw cyn ichi droi’n 75 a cyn ichi ddechrau derbyn eich pensiwn gohiriedig fel Cynghorydd yn y Cynllun Pensiwn Llywodraeth Leol, byddwn yn talu swm o arian parod ar ffurf grant marwolaeth.

Bydd y grant marwolaeth hwnnw werth teirgwaith cymaint â’ch pensiwn gohiriedig blynyddol yn ogystal â chynnydd ar sail costau byw.

Os ydych chi wedi talu Cyfraniadau Gwirfoddol Ychwanegol drwy’r Cynllun Pensiwn Llywodraeth Leol fel Cynghorydd, bydd gwerth y cyfraniadau rydych chi wedi’u cronni hefyd yn daladwy.

Mae gan Gronfa Bensiynau Clwyd lais yn y penderfyniad ynghylch pwy ddylai dderbyn y grant marwolaeth. Os llenwch chi ffurflen mynegi dymuniad yn enwi eich buddiolwyr, bydd hynny’n ein helpu i dalu’r grant marwolaeth i’r bobl iawn.

Gallwch enwi un neu fwy o aelodau o’ch teulu, ffrindiau neu elusennau.

Gallwch ddiwygio eich rhestr o fuddiolwyr drwy lawrlwytho Ffurflen Mynegi Dymuniad o’n gwefan.

Os ydych chi’n briod neu mewn partneriaeth sifil gofrestredig, bydd eich partner yn derbyn pensiwn goroeswr os ydych chi’n marw o’u blaenau nhw. Bydd arnynt angen anfon copi o’r dystysgrif briodas neu bartneriaeth sifil i ni a llenwi ffurflenni hawlio.

Bydd y pensiwn goroeswr yn werth hanner cymaint â swm eich pensiwn gohiriedig blynyddol.

Sylwer: Os ydych chi’n ffurfio partneriaeth sifil ar ôl ymddeol, bydd y pensiwn goroeswr yn hanner eich pensiwn.

I fod yn gymwys i gael pensiwn plentyn, mae’n rhaid i’r plentyn fod:

• Yn blentyn biolegol i chi a aned cyn i’r aelod farw neu cyn pen 12 mis wedi hynny
• Yn blentyn wedi’i fabwysiadu a aned cyn i’r aelod farw neu ar ddyddiad eu marwolaeth
• Yn llysblentyn neu blentyn a dderbyniwyd gan yr aelod ymadawedig yn aelod o’r teulu a oedd yn ddibynnol ar yr aelod pan fu farw

Nid yw plentyn a noddir gan yr aelod drwy elusen gofrestredig yn blentyn cymwys.

Mae’n rhaid iddynt hefyd fod:

• Yn iau na 18 oed, neu
• Yn iau na 23 oed ac mewn addysg llawn amser neu hyfforddiant galwedigaethol, neu
• O unrhyw oedran ac yn methu â gweithio o ganlyniad i amhariad corfforol neu feddyliol parhaol ac, o ganlyniad i hynny, yn ddibynnol ar yr aelod pan fu farw. Mae’n rhaid i feddyg annibynnol farnu a yw’r amhariad yn debygol o fod yn barhaol.

Mae plant yn derbyn rhan o’ch pensiwn. Bydd yr union swm yn dibynnu ar nifer y plant sydd gennych chi ac a yw eich partner hefyd yn cael pensiwn.