Yn yr enghraifft hon, roedd y Cynghorydd wedi bod yn aelod o’r CPLlL i Gynghorwyr ers 5 mlynedd. Mae cyflog cyfartalog eu gyrfa yn seiliedig ar yr holl ffioedd neu gyflog y maen nhw wedi talu cyfraniadau pensiwn ar eu cyfer, yn ogystal â chynnydd mewn costau byw, yn unol â mesur chwyddiant, sef y Mynegai Prisiau Manwerthu.
Cyfnod yr aelodaeth yw pryd y dechreuoch chi dalu cyfraniadau pensiwn tan pryd y gwnaethoch chi roi’r gorau i wneud hynny.
Enghraifft
| Enillion Blwyddyn 1 £9,400 |
x cynnydd mewn costau byw 1.12 |
= £10,528 |
| Enillion Blwyddyn 2 £9,600 |
x cynnydd mewn costau byw 1.08 |
= £10,368 |
| Enillion Blwyddyn 3 £9,900 |
x cynnydd mewn costau byw 1.05 |
= £10,395 |
| Enillion Blwyddyn 4 £10,400 |
x cynnydd mewn costau byw 1.02 |
= £10,608 |
| Enillion Blwyddyn 5 £11,000 |
x cynnydd mewn costau byw 1.00 |
= £11,000 |
| |
Cyfanswm Cronedig |
= £52,899 |
| |
Cyfartaledd Cyflog Gyrfa
(£52,899 ÷ 5 Mlynedd) |
= £10,579.80 |
Pan fydd gennym ni ffigurau ar gyfer cyflog cyfartalog eich gyrfa a’ch aelodaeth, gallwn ni gyfrifo gwerth y pensiwn gohiriedig:
| Pensiwn blynyddol
Blynyddoedd a diwrnodau aelodaeth ÷ 80 x cyflog cyfartalog gyrfa
Cyfandaliad di-dreth untro
1/80 pensiwn blynyddol x 3
|
Enghraifft
|
Pensiwn blynyddol
5 mlynedd ÷ 80 x £10,579.80 = £661.24 o 1/80 o bensiwn blynyddol
Cyfandaliad di-dreth untro
£661.24 x 3 = £1,983.72
|
Pan fyddwch chi’n ymddeol, cewch ddewis i newid rhywfaint o’r pensiwn hwn yn gyfandaliad untro ychwanegol. Am bob £1 o bensiwn blynyddol rydych chi’n ei ildio, fe gewch chi gyfandaliad o £12.
Mae Cyllid a Thollau EF yn rhoi terfyn ar faint o gyfandaliad di-dreth y gallwch ei gymryd pan fydd eich pensiwn yn cael ei dalu i chi. Gelwir y terfyn hwn yn lwfans cyfandaliad. Ar hyn o bryd, y cyfandaliad mwyaf yw’r isaf o’r canlynol:
- 25% o werth cyfalaf eich buddion
- £268,275*
- £268,275* yn llai na chyfanswm y cyfandaliadau rydych chi wedi’u cymryd eisoes
*Os oes gennych chi warchodaeth Lwfans Oes ddilys, o bosibl y gallech gymryd cyfandaliad sy’n fwy na £268,275.
Bydd yn gyfandaliad di-dreth fel arfer, ond os ewch chi dros derfyn y lwfans cyfandaliad, bydd rhaid i chi dalu treth ar y swm uwchlaw’r terfyn ar eich cyfradd ymylol.