Yn ôl

Gadael cyn ymddeol neu optio allan

Cynghorwr CPLlL

Yr oedran ieuengaf y gallwch ymddeol o Gynllun Pensiwn Llywodraeth Leol neu o fod yn Gynghorydd CPLlL ar hyn o bryd yw 50. Fodd bynnag, bydd angen cytundeb eich cyngor arnoch i ymddeol cyn 55 oed. Mae Llywodraeth y DU wedi cyhoeddi y bydd yr oed cynharaf y gallwch dynnu eich pensiwn yn cynyddu o 55 oed i 57 oed o 6 Ebrill 2028. Nid yw hyn yn berthnasol os ydych angen cymryd eich pensiwn yn gynt oherwydd salwch.

Fe allech gael eich gwarchod rhag y cynnydd hwn os gwnaethoch ymuno â’r CPLlL yng Nghymru a Lloegr cyn 4 Tachwedd 2021. Fodd bynnag, dim ond pan fyddwch chi’n tynnu eich pensiwn CPLlL y byddwch chi’n gallu cael eich gwarchod, os yw rheolau’r Cynllun yn caniatáu ichi dynnu eich pensiwn cyn troi’n 57 oed.

Llywodraeth y DU sy’n gosod rheolau Cynllun Pensiwn Llywodraeth Leol. Nid yw wedi ei gadarnhau eto os bydd yn caniatáu i aelodau, sy’n gymwys i gael eu gwarchod, gymryd eu pensiwn CPLlL cyn eu bod yn 57 mlwydd oed o 6 Ebrill 2028.

Ar hyn o bryd, os ydych yn rhoi’r gorau i gyfrannu i’r cynllun pensiwn cyn oedran ymddeol, dim ond ychydig o opsiynau fydd gennych i ddewis ohonynt. Efallai eich bod wedi rhoi’r gorau i gyfrannu am nad ydych yn gynghorydd mwyach neu am eich bod wedi dewis peidio â thalu mwy o gyfraniadau.

Lle mae 55 yn cael ei nodi ar weddill y dudalen hon, cofiwch y bydd hyn yn newid i 57 o 6 Ebrill 2028.

Os ydych wedi talu cyfraniadau CPLlL am lai na thri mis, p’un a ydych dan 50 oed neu’n hŷn, ni fyddwch wedi cronni buddion pensiwn.

Cyn belled nad oes gennych chi unrhyw bensiynau eraill yn y CPLlL yng Nghymru neu Loegr, gallwch gael ad-daliad ar eich cyfraniadau pensiwn, ar ôl tynnu 20% o dreth.

Dylech hawlio eich ad-daliad cyn gynted â phosibl ar ôl stopio eich cyfraniadau pensiwn, a cyn i chi gyrraedd 75 oed.

Os ydych yn dewis optio allan o fewn 3 mis o ymuno â chynllun Cynghorydd CPLlL, bydd adran gyflogau eich cyngor yn ad-dalu eich cyfraniadau drwy eich cyflog. Bydd pob ad-daliad arall yn dod gan Gronfa Bensiynau Clwyd.

Os oes gennych fwy na thri mis o aelodaeth Cynghorydd CPLlL a’ch bod o dan 55 oed (neu o dan 50 oed os ydych yn ymddeol gyda chaniatâd eich cyngor), bydd eich pensiwn fel Cynghorydd CPLlL wedi’i ohirio. Cewch ddarllen sut rydym yn cyfrifo hyn yn cyfrifo eich pensiwn cynghorydd gohiriedig.

Bydd eich buddion pensiwn gohiriedig yn cynyddu bob blwyddyn yn unol â chostau byw.

Eich oedran ymddeol arferol yw 65, er y gallwch ofyn am gael eich pensiwn gohiriedig unrhyw bryd o 55 oed.

Os ydych am gymryd eich pensiwn rhwng 50 a 55 oed, mae angen i chi gael cytundeb ysgrifenedig gan eich cyngor cyn gofyn i Gronfa Bensiynau Clwyd ei dalu i chi. Os bydd eich cyngor yn cytuno, gallai hyn arwain at dâl treth ar eich buddion pensiwn.

Os ydych yn cymryd eich pensiwn cyn i chi gyrraedd oedran ymddeol arferol, bydd y pensiwn yn llai am ei gymryd yn gynnar. Byddwn yn anfon pecyn ymddeol i chi, yn cynnwys ffigyrau eich pensiwn, a manylion unrhyw ostyngiad.

Os oes rhaid i chi roi'r gorau i fod yn gynghorydd oherwydd salwch, gallwch ddechrau eich pensiwn ar unrhyw oedran cyn belled â bod eich cyngor yn cytuno.

Pan fydd y pensiwn yn cael ei dalu, bydd yn parhau i gynyddu bob blwyddyn yn unol â chostau byw. Bydd y pensiwn yn cael ei dalu i chi am weddill eich oes.

Mae gennych yr opsiwn hefyd o drosglwyddo eich pensiwn gohiriedig i gynllun pensiwn arall.

Mae’n rhaid i chi wneud unrhyw drosglwyddiad o leiaf 12 mis cyn cyrraedd eich oedran ymddeol arferol.

Mae mwy o wybodaeth am drosglwyddo yma.

Os byddwch yn dewis optio allan o dalu cyfraniadau Cynghorydd CPLlL, byddwch naill ai’n cael ad-daliad am eich cyfraniadau, pensiwn gohiriedig, neu drosglwyddo allan, fel yr eglurir uchod.

Cofiwch, os ydych yn dewis optio allan, bydd eich incwm pensiwn yn is pan fyddwch yn ymddeol, ac ni fyddwch yn gymwys am fuddion ar gyfer marwolaeth mewn gwasanaeth neu ymddeoliad ar sail afiechyd. Os ydych eisiau optio allan, mae ffurflen optio allan yma.

Os byddwch yn optio allan unwaith, gallwch optio yn ôl i’r cynllun Cynghorydd CPLlL ar unrhyw adeg os ydych yn dal yn gynghorydd ac o dan 75 oed.

Os byddwch yn optio allan o’r cynllun Cynghorydd CPLlL am yr eildro (neu fwy), dim ond os bydd eich cyngor yn cytuno y cewch ailymuno, oni bai eich bod yn optio yn ôl i'r cynllun o fewn tri mis i ddechrau mewn cyngor newydd yng Nghymru.

Gallwch ofyn i’ch cyngor am eu polisi o ran hyn.

Yn ôl i'r cychwyn