Amdanom Ni

Mae’r Cynllun Pensiwn Llywodraeth Leol (CPLlL) ar gyfer Cymru a Lloegr yn bensiwn galwedigaethol ac mae’n cael ei redeg gan sawl Cronfa CPLlL ar draws Cymru a Lloegr. Mae Cronfa Bensiwn Clwyd yn gyfrifol am Sir y Fflint, Sir Ddinbych a Wrecsam. Cyngor Sir y Fflint yw gweinyddwr Cronfa Bensiwn Clwyd.

Rydym yn gofalu am dros 53,000 o bensiynau ar gyfer aelodau’r cynllun:

• sydd ar hyn o bryd yn talu cyfraniadau CPLlL ac yn adeiladu buddion, neu
• nad ydynt bellach yn talu cyfraniadau CPLlL ond yn dechrau eu pensiwn ar ddyddiad arall, neu
• eisoes yn derbyn eu pensiwn gennym ni.

Ar hyn o bryd rydym yn talu dros £125,000,000 mewn pensiynau CPLlL bob blwyddyn.

Rydym yn rheoli’r gronfa yn unol â rheolau CPLlL a chyfreithiau pensiwn eraill, a wneir fel arfer gan Gyllid a Thollau Ei Fawrhydi a Thrysorlys Ei Fawrhydi.

Rydym hefyd yn gyfrifol am fuddsoddi cyfraniadau pensiwn, a ddefnyddir i dalu pensiynau aelodau sydd wedi ymddeol.

Rydym yn gweinyddu dwy fersiwn wahanol o’r CPLlL:

CPLlL

Prif fersiwn y CPLlL yw’r un a ddefnyddir gan sefydliadau fel Cynghorau Sir, Cynghorau Bwrdeistref Sirol, Cynghorau Tref a Chymuned, colegau, prifysgolion a sefydliadau heb fod yn rhai llywodraeth leol sydd â chytundeb i gymryd rhan yn y CPLlL.

Os ydych yn gweithio i un o’r sefydliadau hyn ac wedi cael gwybod mai CPLlL yw eich cynllun pensiwn galwedigaethol, gallwch ddod o hyd i fwy yn adran Cynllun Pensiwn Llywodraeth Leol (CPLlL) ar ein gwefan.

Sylwch nad yw staff sector cyhoeddus eraill megis Athrawon, Swyddogion Heddlu, Diffoddwyr Tân, staff y GIG a staff y Farnwriaeth yn perthyn i’r CPLlL. Mae ganddyn nhw eu cynlluniau pensiwn eu hunain.

CPLlL Cynghorwyr

Dim ond i Gynghorwyr Cyngor sir neu Gyngor Bwrdeistref Sirol yng Nghymru y mae’r CPLlL Cynghorwyr ar gael. Mae’n rhaid i Gynghorwyr optio i mewn i’w fersiwn nhw o’r CPLlL er mwyn talu cyfraniadau pensiwn a chronni pensiwn. Rydym hefyd yn rheoli’r cynllun pensiwn hwn ar gyfer Cyngor Sir y Fflint, Cyngor Sir Ddinbych a Chyngor Bwrdeistref Sirol Wrecsam.

I ddysgu mwy am y cynllun hwn ewch i’r adran Cynllun Cynghorwyr ar ein gwefan.

Cyngor Sir y Fflint yw Awdurdod Gweinyddu Cronfa Bensiynau Clwyd. Mae hyn yn golygu ei fod yn rheoli’r Gronfa ar ran yr holl gyflogwyr sydd yn talu cyfraniadau i’r Gronfa.

Mae Cynllun Pensiwn Llywodraeth Leol (CPLlL) yn gynllun statudol a sefydlwyd o dan ddeddf gyhoeddus gyffredinol. Mae’r cynllun yn gynllun ar gontract, sy’n gysylltiedig â chyflog, ac mae wedi cael ei gymeradwyo i gael ei eithrio o dan Bennod 1 Rhan XIV: Deddf Incwm a Threthi Corfforaethol 1988 (Pennod II Rhan II: Deddf Cyllid 1970 gynt).

Bydd unrhyw atebolrwydd dros Isafswm Pensiwn Gwarantedig sydd wedi’i gynnwys mewn trosglwyddiad, yn amodol ar ailbrisiad llawn o dan Orchmynion Adran 148.

Cyfeirnodau treth Cronfa Bensiynau Clwyd