Yn ôl

Eich cyfraniadau pensiwn

Fel aelod o Gynllun Pensiwn Llywodraeth Leol (CPLlL), mae eich cyfraniadau pensiwn yn dod allan o’ch cyflog gros cyn i unrhyw dreth gael ei dynnu. Mae faint o gyfraniadau rydych chi’n ei dalu yn ganran o’ch cyflog gros. Mae’ch canran yn dibynnu ar y cyflog blynyddol yr ydych chi’n ei ennill.

Pan fyddwch chi’n dod yn aelod gyntaf, fe fydd eich cyflogwr yn cymryd cyfraniadau cyfradd llawn gennych chi yn awtomatig. Mae hyn yn golygu y byddwch chi ym mhrif adran Cynllun Pensiwn Llywodraeth Leol. Byddwch chi’n cronni pensiwn ar y gyfradd lawn, a bydd gennych chi’r un yswiriant marw yn y swydd ac yswiriant salwch.

Mae gennych chi hefyd ddewis i dalu cyfraniadau pensiwn ar hanner y gyfradd dros dro. Adran 50:50 y CPLlL yw enw hyn. Byddwch chi’n cronni pensiwn ar hanner y raddfa, ond bydd gennych chi’r un yswiriant marw yn y swydd ac yswiriant salwch ag aelod sy'n talu cyfraniadau pensiwn ar gyfradd lawn yn y brif adran.

Y cyfraddau cyfrannu rhwng 1 Ebrill 2025 a 31 Mawrth 2026 ar gyfer y brif adran ac adran 50:50 yw:

Eich cyflog gwirioneddol grosCyfradd cyfraniadau ar gyfer y brif adranCyfradd cyfraniadau ar gyfer yr adran 50:50
Hyd at £17,800 5.50% 2.75%
£17,801 i £28,000 5.80% 2.90%
£28,001 i £45,600 6.50% 3.25%
£45,601 i £57,700 6.80% 3.40%
£57,701 i £81,000 8.50% 4.25%
£81,001 i £114,800 9.90% 4.95%
£114,801 i £135,300 10.50% 5.25%
£135,301 i £203,000 11.40% 5.70%
Mwy na £203,001 12.50% 6.25%

Trwy glicio ar y ddolen isod, gallwch gyfrifo pa gyfraniadau y byddwch chi’n eu talu drwy gofnodi:

  • eich cyflog pensiynadwy blynyddol
  • amlder eich cyflog; a
  • pa unai ydych chi yn y brif adran neu adran 50:50.

Cyfrifiannell Cyfraniadau CPLlL (mae’r ddolen yn mynd i wefan allanol felly bydd yn Saesneg)

Mae’r enghraifft isod yn dangos y gwahaniaeth o ran sut y bydd eich pensiwn yn cronni ym mhrif adran neu adran 50:50 CPLl. Mae’r enghraifft yma wedi’i seilio ar gyflog blynyddol o £24,000.

 Prif AdranAdran 50:50
Cyfraniad Gros Blynyddol £1,392 (5.80%) £696 (2.90%)
Pensiwn Blynyddol wedi’i Gronni £489.80 (1/49fed) £244.90 (1/98fed)
Yswiriant Marw yn y Swydd £72,000 (3 x £24,000) £72,000 (3 x £24,000)

Yn ogystal â’ch cyfraniad chi, bydd eich cyflogwr hefyd yn gwneud cyfraniadau er mwyn sicrhau bod digon o arian i dalu eich pensiwn pan fyddwch yn ymddeol.

Bob tair blynedd, mae ein Hactiwari yn cyfrifo beth ddylai canran y cyfraniadau fod ar gyfer eich cyflogwr.

Yn ôl i'r cychwyn