Yn ôl

Cyfrifo eich pensiwn

Mae’r Cynllun Pensiwn Llywodraeth Leol yn gynllun â buddion wedi’u diffinio. Golyga hyn nad yw gwerth eich pensiwn wedi ei seilio ar y cyfraniadau pensiwn rydych chi’n eu talu. Yn lle, rydym yn cyfrifo eich pensiwn ar sail:
  • Pa mor hir rydych chi wedi bod yn talu cyfraniadau;
  • Eich cyflog pensiynadwy yn ystod eich cyflogaeth;
  • Yr oriau yr ydych wedi’u gweithio, ar gyfer pensiwn a gronnwyd gennych cyn 1 Ebrill 2014 yn unig; ac
  • Unrhyw absenoldebau sydd gennych.

Yn ddibynnol ar bryd wnaethoch ymuno â Chynllun Pensiwn Llywodraeth Leol, efallai bydd eich pensiwn yn cynnwys 1, 2 a 3 rhan oherwydd newidiadau i reolau Cynllun Pensiwn Llywodraeth Leol dros gyfnod o amser. Mae arnoch angen talu cyfraniadau pensiwn am ddwy flynedd neu fwy i gael budd pensiwn yn y Cynllun Pensiwn Llywodraeth Leol.

Ar hyn o bryd mae’r Cynllun Pensiwn Llywodraeth Leol yn gynllun pensiwn ‘Enillion Cyfartalog Gyrfa wedi’u Hailbrisio’, neu ECGA wedi’i dalfyrru. Yn y cynllun ECGA, byddwch yn cronni pensiwn blynyddol ar gyfer ymddeol.

Pan fyddwch yn ymddeol cewch ddewis i newid rhywfaint o’r pensiwn hwn yn gyfandaliad untro. Am bob £1 o bensiwn blynyddol rydych chi’n ei ildio, fe gewch chi gyfandaliad o £12.

Mae Cyllid a Thollau EF yn rhoi terfyn ar faint o gyfandaliad di-dreth y gallwch ei gymryd pan fydd eich pensiwn yn cael ei dalu i chi. Gelwir y terfyn hwn yn lwfans cyfandaliad. Ar hyn o bryd, y cyfandaliad mwyaf yw’r isaf o’r canlynol:

  • 25% o werth cyfalaf eich buddion
  • £268,275*
  • £268,275* yn llai na chyfanswm y cyfandaliadau rydych chi wedi’u cymryd eisoes

*Os oes gennych chi warchodaeth Lwfans Oes ddilys, o bosibl y gallech gymryd cyfandaliad sy’n fwy na £268,275.

Bydd yn gyfandaliad di-dreth fel arfer, ond os ewch chi dros derfyn y lwfans cyfandaliad, bydd rhaid i chi dalu treth ar y swm uwchlaw’r terfyn ar eich cyfradd ymylol.

Bydd eich cyflogwr yn rhoi gwybod i ni beth yw’r cyflog blynyddol rydych chi wedi talu cyfraniadau pensiwn ar ei gyfer o un mis Ebrill i’r nesaf. Cyflog pensiynadwy yw’r enw am hyn.

  • Os ydych yn talu cyfraniadau cyfradd lawn yn y brif adran, bydd y pensiwn a gronnir gennych bob blwyddyn yn 1/49 o’ch cyflog pensiynadwy blynyddol.
  • Os ydych yn talu cyfraniadau ar hanner cyfradd yn yr adran 50:50, bydd y pensiwn a gronnir gennych bob blwyddyn yn 1/98 o’ch cyflog pensiynadwy blynyddol.

Yna, bydd eich pensiwn yn cynyddu bob blwyddyn er mwyn helpu i gyd-fynd â chostau byw. Rydym yn seilio’r cynnydd ar fesur chwyddiant, sef Mynegai Prisiau Defnyddwyr (MPD).

Enghraifft o brif adran Cynllun Pensiwn Llywodraeth Leol
Blwyddyn y CynllunPensiwn ar ddechrau’r flwyddynCyflog pensiynadwy gros a chyfradd cronniPensiwn (ar gyfer y flwyddyn honno)Pensiwn (wedi’i gronni hyd yma)Cynnydd o ran chwyddiantPensiwn ar ddiwedd y flwyddyn
Blwyddyn 1 £0.00 £19,600 ÷ 49 £400.00 £400.00 1.20% £404.80
Blwyddyn 2 £404.80 £23,129 ÷ 49 £472.02 £876.82 -0.10% £875.94
Blwyddyn 3 £875.94 £25,000 ÷ 49 £510.20 £1,386.14 1.00% £1,400.00

Byddwch yn parhau i gronni eich pensiwn fel hyn bob blwyddyn, hyd nes y byddwch naill ai’n ymddeol, yn gadael cyflogaeth neu’n optio allan o dalu cyfraniadau pensiwn.

Sylwch: Os ydych yn gymwys ar gyfer Rhwymedi McCloud, bydd y pensiwn rydych wedi’i gronni rhwng 1 Ebrill 2014 a 31 Mawrth 2022 wedi seilio’i ar y gorau o gynllun pensiwn ECGA neu bensiwn cyflog terfynol sy’n 1/60 fel yr eglurir isod.

Cyn y cynllun ECGA ym mis Ebrill 2014 roedd Cynllun Pensiwn Llywodraeth Leol yn gynllun pensiwn cyflog terfynol. Mae hyn yn golygu y byddwch yn derbyn ffracsiwn o’ch cyflog pensiynadwy terfynol fel eich pensiwn blynyddol am bob diwrnod y buoch chi’n aelod cyn 31 Mawrth 2014, a chyfandaliad di-dreth awtomatig am bob diwrnod y buoch chi’n aelod cyn 31 Mawrth 2008.

Pan fyddwch chi’n ymddeol, cewch ddewis i newid rhywfaint o’r pensiwn hwn yn gyfandaliad untro ychwanegol. Am bob £1 o bensiwn blynyddol rydych chi’n ei ildio, fe gewch chi gyfandaliad o £12.

Mae Cyllid a Thollau EF yn rhoi terfyn ar faint o gyfandaliad di-dreth y gallwch ei gymryd pan fydd eich pensiwn yn cael ei dalu i chi. Gelwir y terfyn hwn yn lwfans cyfandaliad. Ar hyn o bryd, y cyfandaliad mwyaf yw’r isaf o’r canlynol:

  • 25% o werth cyfalaf eich buddion
  • £268,275*
  • £268,275* yn llai na chyfanswm y cyfandaliadau rydych chi wedi’u cymryd eisoes

*Os oes gennych chi warchodaeth Lwfans Oes ddilys, o bosibl y gallech gymryd cyfandaliad sy’n fwy na £268,275.

Bydd yn gyfandaliad di-dreth fel arfer, ond os ewch chi dros derfyn y lwfans cyfandaliad, bydd rhaid i chi dalu treth ar y swm uwchlaw’r terfyn ar eich cyfradd ymylol.

Os oeddech yn rhan o’r Cynllun Pensiwn Llywodraeth Leol cyn 1 Ebrill 2008, golyga hyn y byddwch yn cael cyfandaliad di-dreth yn awtomatig pan fyddwch yn ymddeol hefyd.

Pan fyddwch yn stopio talu cyfraniadau pensiwn, bydd eich cyflogwr yn rhoi gwybod i ni:

  • yr oriau yr ydych wedi’u gweithio;
  • unrhyw absenoldebau sydd gennych; a’r
  • ffigur cyflog pensiynadwy terfynol i’w ddefnyddio

i gyfrifo’r rhan hon o’ch pensiwn. Os ydych wedi gweithio’n rhan amser neu yn ystod y tymor, bydd eich cyflog pensiynadwy terfynol bob amser yn gyfystyr â blwyddyn llawn amser, a gall fod yn unrhyw un o’r canlynol:

  • 365 diwrnod hyd at eich dyddiad gadael; yn yr enghraifft hon, 31 Awst 2023:
    • 1 Medi 2022 tan 31 Awst 2023
  • Y gorau o’r 3 blynedd diwethaf, pan fydd y flwyddyn yn 365 diwrnod hyd at eich dyddiad gadael. Felly, ar gyfer yr enghraifft hon, y 365 diwrnod gorau o:
    • 1 Medi 2022 tan 31 Awst 2023
    • 1 Medi 2021 tan 31 Awst 2022
    • 1 Medi 2020 tan 31 Awst 2021
  • Mewn rhai sefyllfaoedd, gallwch ofyn i’ch cyflogwr gyfrifo eich tâl terfynol fel cyfartaledd o unrhyw 3 blynedd olynol sydd yn dod i ben ar 31 Mawrth. Fel arfer bydd gennych yr opsiwn hwn os yw eich tâl yn lleihau:
    • ar ôl i chi newid i swydd gyda llai o gyfrifoldeb (ar wahân i ymddeoliad hyblyg neu ddiwedd secondiad)
    • yn dilyn ymarfer gwerthuso swydd neu ymarfer tâl cyfartal.
    • oherwydd bod y tâl pensiynadwy a nodwyd yn eich contract yn newid
    • oherwydd bod llai na deng mlynedd cyn i chi stopio talu cyfraniadau pensiwn
Byddwn yn cyfrifo eich pensiwn cynllun cyflog terfynol mewn un neu ddwy o’r ffyrdd canlynol, yn ddibynnol ar pa bryd wnaethoch chi ymuno â’r Cynllun Pensiwn Llywodraeth Leol:
1 Ebrill 2008 tan 31 Mawrth 2014 Pensiwn Blynyddol yn unig

Aelodaeth mewn blynyddoedd a diwrnodau ÷ 60 x cyflog pensiynadwy terfynol
Ar neu cyn 31 Mawrth 2008 Pensiwn blynyddol

Aelodaeth mewn blynyddoedd a diwrnodau ÷ 80 x cyflog pensiynadwy terfynol

Cyfandaliad di-dreth untro

1/ 80 pensiwn blynyddol x 3
Enghraifft
1 Ebrill 2008 tan 31 Mawrth 2014 Pensiwn Blynyddol yn unig

6 ÷ 60 x £24,833.33 = £2,483.33 pensiwn blynyddol
Ar neu cyn 31 Mawrth 2008 Pensiwn blynyddol

10 mlynedd ÷ 80 x £24,833.33 = £3,104.17 pensiwn blynyddol

Cyfandaliad di-dreth untro

£3,104.17 x 3 = £9,312.51 cyfandaliad di-dreth untro
Yn ôl i'r cychwyn