Os ydych wedi talu cyfraniadau Cynllun Pensiwn Llywodraeth Leol (CPLlL) i Gronfa Bensiynau Clwyd neu Gronfa CPLlL arall o’r blaen, mae’n bosibl y byddwn angen cyfuno’r aelodaeth bensiwn honno gyda’ch gwasanaeth presennol. Os yw’r aelodaeth CPLlL gyda Chronfa arall, ni fyddwn yn gwybod amdani oni bai eich bod chi’n dweud wrthym. Gyda hynny mewn cof, os gwelwch yn dda:
- Dywedwch wrth Gronfa Bensiynau Clwyd fod gennych bensiwn gohiriedig gyda Chronfa CPLlL arall, a rhowch enw’r Gronfa
- Dywedwch wrth y Gronfa CPLlL arall eich bod wedi dechrau talu cyfraniadau CPLlL eto gyda Chronfa Bensiynau Clwyd.
Mae angen i chi wneud hyn er mwyn i chi dderbyn yr opsiynau cywir ynglŷn â chyfuno eich buddion CPLlL.
Os oes llai na 5 mlynedd wedi bod rhwng amser gadael eich Cronfa CPLlL ddiwethaf ac ymuno â Chronfa Bensiynau Clwyd, byddwch yn cael cadw unrhyw gyswllt cyflog terfynol, hyd yn oed os ydych yn dewis ei drosglwyddo. Mewn geiriau eraill, bydd eich pensiwn o’r Gronfa ddiwethaf yn dal i fod yn seiliedig ar reolau cynllun cyflog terfynol, er gwaethaf y saib yn eich gwasanaeth.
Fodd bynnag, os oes mwy na 5 mlynedd wedi bod, bydd cyswllt cyflog terfynol yn cael ei dorri os ydych yn trosglwyddo, a byddai’r pensiwn yn seiliedig ar enillion cyfartalog gyrfa wedi’u hailbrisio, neu ECGA. Mae’n bosibl na fyddwch yn gallu trosglwyddo eich aelodaeth CPLlL flaenorol i Gronfa Bensiynau Clwyd.